| Le p’tit Quinquin - "l’chanson dormoire " | ||
|---|---|---|
|
|
||
| Refrain | ||
|
Dors, min p'tit quinquin, min p'tit pouchin ,min gros rojin Te m'fras du chagrin si te n'dors point qu'a d'main |
||
| 1 | ||
|
Ainsi l'aut'jour eun pauv' dintelière In amiclotant sin p'tit garchon Qui d'puis tros quarts d'heure n'faijot qu'braire, Tachot d'lendormir par eun' chanchon. Ell'li dijot: min Narcisse, D'main t'aras du pain d'épices Du chuc à gogo si t'es sache et qu'te fais dodo! Au refrain |
||
| 2 | ||
|
Et si tem'laich' faire eun' bonn' semaine, J'irai dégager ti biau sarrau Tin patalon d'drap , tin giliet d'laine… Comme un p'tit milord te s'ras farau! J't'acat'rai l'jour de l'ducasse Un porichin il' cocasse, Un turlututu Pour jouer l'air du capiau-pointu… Au refrain |
||
| 3 | ||
|
Nous irons dins l’cour Jeannette-à-Vaques, Vir les marionnett’s. Comme te riras, Quand t’intindras dire : " un doup " pou’ jacques ! Pa d’porichinell’ qui parl’ magas. Te li mettras din s’menotte, Au lieu d’doupe, un rond d’carotte ! It’ dira merci !.. Pins’comme nous arons du plaisi !... Au refrain |
||
| 4 | ||
|
Et si par hasard sin maite s’fache, Ch’est alors Narcisse, que nous rirons ! Sans n’avoir invi’, j’ prindraim’n air mache J’ li dirai sin nom et ses sournoms, J’ li dirai des faribolles I m’in répondra des drôles ; Infin un chacun Verra deux pestac’ au lieu d’un. Au refrain |
||
| 5 | ||
|
Allons serr’ tes yeux, dors min bohomme J’vas dire eun’ prière à P’tit-Jésus Pou qui vienne ichi, pindant tin somme, T’ fair’ réver qu’ j’ai les mains plein’s d’écus, Pour qu’i t’apporte eun’ coquille, Avec du chirop qui guile Tout l’long d’tin minton, Te poulèquers tros heur’s de long !... Au refrain |
||
| 6 | ||
|
L’mos qui vient, d’Saint Nicolas ch’est l’fête Pour sûr, au soir, i viendra t’trouver It f’ra un sermon, et t’ laich’ra mette In d’zous du ballot, un grand painnier I l’rimplira si tes sache, D’ séquois qui t’rindront bénache, Sa cha sin, baudet T’invoira un grand martinet Au refrain |
||
| 7 | ||
|
Ni les marionnettes, ni l’pain n’épice N’ont produit d’effet, mais l’martinet A vit’rappajé l’ptit Narcisse, Qui craignot d’vir arriver l’baudet. Il a dit s’canchon dormoire... S’mèr’ l’a mis dins nochennoire : A pris sin coussin, Arépété vingt fos che r’frain Au refrain |
||
| paroles et musique de DESROUSSEAUX |
